احسبها صح !!!

مشاعرك : ايه٠٠ قد ايه ٠٠ ورايحه فين ؟؟
انت مصدوم 😳اكيد مشاعرك كانت اكتر من اللازم او راحت فى مكان غلط
انت حزين😢 طيب يا ترى حزنك على ايه ؟ومن مين ؟ طيب ناوى تفضل حزين كده كتير،
انت عندك مشاكل وقاعد تفكر على طول ومهموم🤔طيب حا تبعد امته شويه عن المشاكل علشان تقدر تشوفها كويس وتقدر تحلها بدل ما انت لازق فيها وعايش مهموم ومخنوق طول الوقت
انت بتحب 😍طيب بتحب مين وهل اللى بتحبه ده حاسس بك او مقدر حبك 😍واد ايه بتديله من وقتك ومشاعرك
لو لقيت نفسك حزين قوى او فرحان زياده عن اللزوم او😡غضبان بردو بالزياده ومشاعرك عامله ذى الموج الهايج اللى بيطلع لفوق قوى وبعد تانيه ينزل تحت قوى يبقى انت بعدت عن اهم قانون فى الكون وهو قانون التوازن ، لان انت جزء من الكون اللى خلقه ربنا بتوازن ونظام دقيق ومحكم وانت لازم تكون متوازن فى مشاعرك وتصرفاتك ومن البدايه تتحكم فى افكارك لانك لو ما اتحكمتش فى افكارك حا تتحكم فيك هى وحا تدخل دائره مظلمه صعب الخروج منها ولو بعدت عن التوازن حا تتعب قوى وفى النهايه حا ترجعله،لكن بطريقه قد تكون صعبه وقاسيه بالنسبه لك،والخلاصه اننا محتاجين،نتحكم بافكارنا(بالمراقبه) ونعرف مشاعرنا رايحه فين ولمين وشكلها ايه، ولازم ناخد بالنا من تصرفاتنا علشان ما نبعدش عن التوازن،ونضيع فى بحر هائج ملوش قرار،علشان كده لازم نحسبها صح وما نفرحش قوى ولا نزعل قوى والا نتعلق بحد قوى (الاالله) لانه وحده هو المستحق لانه هو وحده اللى مش ممكن يخذلنا أبدا واحنا قلوبنا متعلقة به
وكلمه اخيره التوازن هوسلاحك ضد القلق والحزن والخوف والصدمات وكمان المشاعراللى بتروح على الفاضى وبتسيب مكانها الحيره والالم،وعلشان تبقى متوازن،لازم ،تحسبها صح 🤔وتتوكل على الله