طريقة عمل lava cake

ناس كتير بتكون مستغربة ان ازاي الكيكة جواها الشيكولت سايحة كده … وعشان كده انا هاقدم لكم طريقة عملها وهي سهلة جداااا

#المقادير:

كوب شيكولاتة غامقة
نص كوب زبدة أو صباع زبدة
2 ملعقة كاكاو بودرة
4 بيضات
4 ملاعق دقيق
1/4 كوب سكر
ملعقة فانيليا
زبدة وسكر لدهن اطراف الصحون

#الطريقة:

نشغل الفرن على 180 درجة قبل التجهيز
ندوب الشيكولاتة فوق حمام مائي مع زبدة ثم نضيف الكاكاو البودرة
نخلط البيض مع السكر والفانيليا حتي يصير ثقيل وناعم جدااا ونخلطه مع خليط الشيكولاته ثم نضيف الدقيق
ندهن صحون السوفليه أو اكواب المافن أو الكاب كيك بالزبدة ونرشها بالسكر ونوزع الخليط بينها وتكفي 6 أشخاص
نضعها في الفرن حتى ينتفخ الكيك ويكون سائل من الداخل 10 دقايق مش اكتر
وبعد دقيقة من خروجه من الفرن بيكون سهل انه يتنقل إلى صحون التقديم ونزينه بسكر بودرة أو ايس كريم أو فاكهة

#ملاحظات

– اللافا كيك والمولتن كيك نفس الشئ أما السوفليه فهو شئ آخر يعتمد على بياض البيض وبدون دقيق وهاقدم لكم طريقته الفترة الجاية ان شاء الله
– جربوا تضيفوا قشر البرتقال للخليط كنهة مختلفة ممكن تعجبكم
– استخدموا شيكولاتة فيها زبدة كاكاو
– ايضا تقدم مع صوص التوت كطعم جديد ومختلف
– ممكن تغيروا الشيكولاتة للفاتحة بدل الغامقة

وبالهنا والشفا